Ny Minisitra MICHELLE Bavy Angelica
Famporisihana ny vehivavy iavo-tena ka handray anjara amin’ny fampiroboroboana ny toe-karena sy varotra eo amin’ny firenena misy azy. Izay no anisan’ny antony nijoroan’ny tamba-jotra serasera 50 MFAP na «50 Millions des femmes Africain ont la parole». Nosokafana tamin’ny fomba ofisialy ny Zoma 09 Octobre 2020 teny amin’ny Novotel ao Alarobia Ankorondrano ny hetsika voalohany ho famporisihana ireo vehivavy iavo-tena.
Ka ny fisian’ity vovonan-tserasera ity no afahan’izy ireo mampiseho ny fahaiza-manaony sy fifanakalon-kevitra ary sehatra ara-barotra eo amin’ireo firenena mivondrona ao anatin’ny COMESA. Navoitra ny Minisitry ny Mponina sy ny Fiahiana ny ara-tsosialy ary ny Fampivoarana ny Vehivavy (MPPSPF), Ramatoa MICHELLE Bavy Angelica, fa : « Ity tetik’asa 50 Millions des femmes Africain ont la parole ity dia mifandrindra amin’ny politika ankapoben’ny fitondrana Malagasy izay ao anatin’ny velirano faha-7, dia ny fanampia-tosika ny fandraharahana Malagasy, ary indrindra fa ny tanora sy ny vehivavy. Natao ihany koa ho Sehatra entina hanampiana ny vehivavy ho tonga amin’ny fizakan-tena ara-toekarena amin’ny fomba moderna sy mivoatra kokoa ity sehatra ity ».
Ao anatin’ity vovonan-tsesasera ity manomboka izao dia afaka misoratra anarana ireo vehivavy Malagasy. Ity ny adiresy mikasina izany : www.womenconnect.org
Afaka mampiseho ny talenta sy ny fahaiza-manaony koa ao. Mivelatra kokoa izy ity satria ireo firenena mivondrona ao anatin’ny COMESA dia hifanerasera matetika amin’ny mpandraharaha vehivavy.
Hita ao ny lafin’ny fifanakalozan-kevitra, ny lafin’ny ara-barotra… Tsy ho hisy intsony ny elanelana fa dia ireo vehivavy mivondrona ao dia efa afaka maneho ny vokatra vokariny, ny vidiny, kalitao ary ny isan’ny entana mety ilain’ilain’ny mpanjifa.
Ahafahan’ireo vehivavy ihany koa mampiranty ny vokatry ny hai-tao misy eo amin’ity vovonan-tserasera 50 MFAP ity. Ny tanjona dia hahatonga ireo vehivavy ho mpandray anjara feno amin’ny fizakan-tena ara-toekarena amin’ny fomba moderina.
Andry Rakotonirainy
Photos fournies