Il y a le livre autobiographique « Par amour de la patrie » d’Andry Rajoelina dans lequel il a écrit tout un chapitre dédié à son épouse, Mialy, intitulé : « L’amour de ma vie ». Il est aussi écrit quelque part, je ne sais plus où : « derrière chaque grand homme il y a une [grande] femme » (« Behind every great man is a great woman »). Dans le cadre de son soutien à son mari, son intervention, le 1er novembre 2018 au CCI Ivato pourrait s’intituler en français : « Par amour pour mon mari ».
Amis lecteurs francophones (et même autres phones comme anglophones, lusophones, hispanophones, sinophones…) si vous aimez réellement Madagascar, faites-vous donc traduire la transcription du texte ci-après que vous pourrez entendre dans la vidéo ci-dessus. Misaotra indrindra tompoko ! Personnellement, j’affirme que la vertu est la parure de la femme (Ny hatsaram-panahy no ravaky ny vehivavy). Andao ary hamaky lahateny :
« Miarahaba anareo am-pitiavana ny tenako ary miarahaba ny vahoaka malagasy iray manontolo. Misaotra antsika tsirairay avy namaly ny fanasana.
Mamelà ahy hifampizara aminareo ny fihetsem-poko tamin’ny fotoana nozaran’ny vadiko tamiko, nozarany taminay akohonany ny fikasany hirotsaka ho fidiana ho filoham-pirenena. Notsoriko taminy ny tato am-poko ary nametraka fanontaniana taminy aho :
Fa maninona ianao no hiverina indray ao anatin’io tontolo io ?
Fa maninona ianao no hirotsaka eo amin’io sehatra feno fankahalana io ?
Misy ny hanakiana anao ; misy ny haneso anao ; misy ny hanatsatso anao ; misy ny hanambany anao ; misy ny hanaraby anao. Ary, indrindra indrindra, tsy hisy intsony ny fiainam-pianakavian-tsika.
Nampahatsiahivin’i Andry tamiko nefa fa fony mbola kely izy dia efa nifanerasera tamina sokajin’olona samy hafa ; fony mbola kely izy dia efa nahatsapa ny fasahiranana sy ny fahasarotana natrehin’ny mpiara-belona aminy.
Mbola tanora izy dia efa niditra teo amin’ny sehatry ny asa ary io tontolo arak’asa io no nahatsapany ny fahasarotana lalovana eo amin’ny fiainana i Andry dia tia miasa. Rehefa miasa izy dia miasa amin’ny fony manontolo, tia mijery hatramin’ireny pitsipitsony ireny. Ohatra iray no ho zaraiko aminareo androany. Tsaroako fa tamin’ny fotoana notantananay ny Groupe Injet, dia matetika tara be vao mirava izahay, miasa alina mihitsy aza. Satria tsy miala eo raha tsy lavorary ny komandy rehetra. Niasa tamin’ny fonay manontolo izahay mivady ka nivaly izany ezaka nataonay izany.
Ny fanesoana, ny fanenjehana, hoy izy, dia tsy maintsy misy foana. Efa niainako izany raha vao niditra teo amin’ny sehatry ny asa aho, ka tsy izany velively no hampihemotra ahy, fa fitiavana tanindrazana ihany no mibaiko ahy. Ary nohamafisina ihany koe hoe : manana adidy aho satria nitondra soa ho ahy ny firenena.
Nohazavainy tamiko ny praograman’asany sy ny vina ho kasaina ataony. Nandritra ny taona maro dia tsy nisasatra izy nitety firenena samy hafa, nihaona tamina karazan’olona maro. Na ny resaka ao an-tranonay aza, matetika, dia Madagasikara, vahoaka malagasy. Eny fa na hatrany am-pandriana aza. Teo no nahatsapako fa mila mifanome tà nana aminy ahy. Adidiko ny mifandrimbona aminy, aminy maha vadiny ahy ary amin’ny maha olompirenena malagasy ahy.
Nandritra ny fitsidiam-paritra natao tao anatin’izay iray volana latsaka izay, dia tsapako fa lalim-paka tokoa ny fahantrana sy ny fahasarotam-piainana ary mila fitsinjovana manokana ireo tena maharefo. Izay no maporisika ahy hanamafy hatrany ny asa fanasoavana amin’ny mpiara-belona izay niantsorohaka hatramin’izay.
Androany no nosafidianan’i Andry anolorana ny praograman’asany. Niasa andro amin’alina izy, niaraka tamin’ireo ekipa rehetra, namolavola izany. Teh-hitodika aminareo ekipa rehetra tsy ankanavaka, isan-tsokajiny, isan’ambaratongany izay niara-nisalahy taminy ny tenako : fisaorana sy fankatelemana feno no atolotra ho anareo tsirairay avy, tamin’ny asa, tamin’ny fandavan-tena,ary tamin’ny fahavitriana nasehonareo. Maro ny là lana nodiavin-tsika ; maro ny olana nosedrain-tsika nefa tsy nataon-tsika nahakivy izany ka nifanome tà nana hatrany isika. Manana namana tokoa izahay manana anareo, koa misaotra eram-po eran-tsaina.
Te-hitodika ihany koa amintsika vehivavy malagasy aho. Miantso antsika vehivavy rehetra mba andray andraikitra eo anivon’ny fiarahamonina sy eo amin’ny asa tandrify antsika tsirairay avy : andao sika hifandrimbona, hifanome tà nana, hanova ny toe-tsaina sy hanatsara ny ho avin’ny zanan-tsika. Mitodika amintsika ny mason’izao tontolo izao koa andao aseho-ntsika fa olona manana famendrehana ny Malagasy ka ny ho avin’i Madagasikara no ho banjinina.
Farany, nefa manan-danja indrindra amiko : I ANDRY A… Tsapako fa adidy mavesatra nefa masina no miandry anao. Mirary soa tanteraka anao aho mba hitondra fiovà na sy fanantenana ho an’ny vahoaka malagasy.
Mankasitraka, Tompokolahy, mankatelina, Tompokovavy ».
Mialy Rajoelina Razakandisa, CCI Ivato, 01 Novambra 2018
Nandika an-tsoratra : Jeannot Ramambazafy
Sary : Harilala Randrianarison - Jeannot Ramambazafy